«Адал сессия: ережелер мен жауапкершілік» тақырыбында кездесулер

«Заң және Тәртіп» идеологемасын ілгерілету аясында «Компьютерлік технологиялар және киберқауіпсіздік» және «Бизнес, медиа және басқару» факультеттерінің эдвайзерлері «Адал сессия: ережелер мен жауапкершілік» тақырыбында кездесулер өткізді.

Кездесулер барысында студенттерге академиялық адалдық қағидалары, сессия кезіндегі тәртіп ережелері және белгіленген нормаларды бұзған жағдайда қолданылатын жауапкершілік жайлы түсіндірілді. Сонымен қатар, көшіруге жол бермеу және білімді әділ бағалаудың маңыздылығына ерекше назар аударылды.

Іс-шаралар білім алушылар арасында емтихан сессиясы кезеңінде жауапкершілік пен тәртіп мәдениетін қалыптастыруға бағытталды.