«Қазақстан боксы: өткені мен бүгіні»

Халықаралық Ақпараттық Технологиялар университетінде Қазақстан боксының қалыптасу тарихы мен қазіргі жетістіктеріне арналған тағылымды кездесу өтті. Іс-шараға Қазақстан бокс федерациясының өкілдері, Олимпиада чемпиондары, ардагер спортшылар және қоғам қайраткерлері қатысты.

Кездесу барысында ұлттық бокс мектебінің даму кезеңдері, халықаралық ареналардағы табыстары және алдағы бағыттары талқыланды. Қатысушылар спорттың ел имиджін қалыптастырудағы рөлі мен жас буынды тәрбиелеудегі маңызы жөнінде ой бөлісті.

Шара аясында қазақ боксының 85 жылдық тарихын қамтитын деректі фильмнен үзінді көрсетіліп, профессор Қасым Мауленовтың «Геннадий Рожков» атты кітабының тұсаукесері өтті.

Кездесу соңында қазақ боксының дамуына елеулі үлес қосқан ардагерлерге «Қазақстан боксының ардагері» құрметті төсбелгісі табысталды.

Аталған марапатқа Абдрахманов К.Б., Килимов А.С., Юрченко М.Ю., Жақсыбаев К.К., Сабитов М.С., Дүйсебаев Ч.Ж., Боранчиев С.С., Наурызбаев М.К., Кабазиев Б.М., Мауленов Қ.С., Кшибеков Т.Д. және Галаев А.И. ие болды.