ХАТУ құрамасы тоғызқұмалақтан Қазақстан Республикасының студенттік спорт лигасының чемпионы атанды

Халықаралық ақпараттық технологиялар университетінің (ХАТУ) құрамасы Қазақстан Республикасының студенттік спорт лигасы аясында өткен тоғызқұмалақ жарысында чемпион атанды. Ауқымды турнир қорытындысы бойынша команда еліміздің ең мықты студенттік ұжымдары арасында бірінші орынды иеленді.

Бұл жетістік студенттердің жоғары зияткерлік дайындығы мен табандылығының айқын көрінісі болып табылады. Университет өз студенттерінің ұлттық деңгейде жоғары нәтиже көрсетіп, оқу орнын абыроймен таныстырғанын ерекше мақтан тұтады.

ХАТУ чемпиондарды құттықтай отырып, алдағы уақытта жаңа жетістіктер мен биік белестер тілейді.